Insigne në Napoli deri në vitin 2022
Lorenzo Insigne ka nënshkruar një kontratë të re me klubin futbollistik Napoli, e cila e obligon atë të qëndrojë në klubin sicilian deri në vitin 2022, raporton Anadolu Agency (AA).
Sulmuesi i shkëlqyer 25 vjeçar, kohë më parë tha se dëshiron që tërë karrierën e tij futbollistike ta kalojë në Napoli, gjë të cilën e konfirmon edhe kontrata e nëshkruar të shtunën.
“Jam më se i lumtur nga vazhdimi i kontratës. Që në fëmijëri kam ëndërruar të luaj për këtë klub dhe të qëndroj gjatë në te. Nga këtu, jam shumë i lumtur që vazhdova kontratën”, tha Insigne për mediat itliane.
Për rëndësinë që ka për Insignen kontrata e re me Napolin, më së miri flet prania e prindërve të tij në ceremoninë e nënshkrimit.
Për klubin nga Sicilia, Insigne debutoi në moshën 18 vjeçare, ndërsa një periudhë kaloi i huazuar në Foxha dhe Peskara, ndërsa nga viti 2012 është titullar i rregullt i klubit.
Gjatë këtij sezoni, ai ka regjistruar 42 paraqitje në të cilat ka shënuar 16 gola. Në fanellën e kombëtares së Italisë, Insigne ka regjistruar gjithsej 14 paraqitje ku ka shënuar dy gola.
