VMRO-DPMNE-ja nuk do transferim të qetë të pushtetit
Kandidati i shumicës parlamentare për kryetar të Kuvendit të Maqedonisë, Talat Xhaferi, i ka kritikuar ashpër veprimet e VMRO-DPMNE-së për ta zvarritur seancën konstituive të Kuvendit.
Në këtë intervistë dhënë për gazetën “Epoka e re”, ai ka thënë se kjo zvarritje po bëhet për qëllime të ngushta partiake.
Xhaferi ka fajësuar VMRO-DPMNE-në dhe presidentin Gjorge Ivanov për krizën politike në të cilën është futur Maqedonia pas zgjedhjeve parlamentare. Deputeti i Bashkimit Demokratik për Integrim (BDI) ka bërë me dije se VMRO-DPMNE-ja nuk është e interesuar për transferim të qetë të pushtetit. Sipas tij, ky subjekt politik është i interesuar të inskenojë situata të pa lakmueshme brenda parlamentit.
Xhaferi i ka bërë thirrje Ivanovit t’ia japë mandatin shumicës parlamentare për formimin e institucioneve të reja.
