David Beckham poston dje foton më të bukur të së bijës dhe Victorias, në Instagram

Sido që ta keni kaluar dje Ditën Ndërkombëtare të Grave, qoftë duke bërë pazar, duke drekuar, darkuar apo thjesht duke u marrë me vullnetarizëm një mënyrë mjaft e lehtë për të bërë disi zhurmë ishte edhe mbështetja e kauzës në mediat sociale. Nga Hillary Clinton te Gisele Bundchen dhe gjithçka që është në mes, shumë të famshëm dërguan dje mesazhet e tyre për këtë ditë të shënuar, shkruan Revista Class, transmeton Portalb.mk.

Por ajo çka ne vecuam dhe na bëri më së shumti përshtypje, ishte fotoja aq e thjeshtë dhe tejet domethënëse njëkohësisht e David Beckham postuar dje në Instagramin e tij, ku ish-futbollisti i njohur dhe një ndër imazhet më të pëlqyera mashkullore në botë, tregoi edhe një herë sesa shumë e vlerëson fuqinë e femrës dhe sesa me fat ndihej që kishte jo një, por dy të tilla në krahët e tij.