ESSH: Në Maqedoni ka më shumë burra se gra
Sipas vlerësimeve të fundit të Entit Shtetëror për Statistika deri në fund të vitit 2015, në Republikën e Maqedonisë jetojnë 2.071.278 banorë, ndërkaq sipas strukturës 50.1% janë burra, 49.9% janë gra, shkruan “E-magazin”, transmeton Portalb.
Dendësia e popullatës është 80.5 banorë në 1km katror. Më së shumti dendësi ka në Shkup dhe në rajonin e Pollogut. Në vitin 2015, mosha mesatare e popullatës ka qenë 38.5 vjet (burrat 37.6 dhe gratë 39.3 vjet). Në vitin 2014, jetëgjatësia te gratë ka qenë 77.4 vjet, ndërkaq te burrat 73.5 vjet. /Portalb
