VV: Mos luani me pensionet!
Ministria e Punës: Pensioni u është ndërprerë vetëm për pensionistët jo qytetarë të përhershëm të Kosovës
Në një konferencë për media nënkryetari i Lëvizjës “Vetëvendosje”, Dardan Sejdiu tha se Qeveria e Kosovës po tenton t’ua heqë të drejtën e pensionit të gjithë atyre që e kanë moshën 65 vjeçare. Duke folur për problemet në sistemin pensional Sejdiu tha se kjo grupmoshë po trajtohet si rast social nga Qeveria. Por në ministrinë e Punës thonë se, pensioni është ndërprerë vetëm për pensionistët jo qytetarë të përhershëm të Kosovës.
