Ilir Azemi shënon gol fantastik (Video)
Ilir Azemi ka shënuar një gol fantastik në ligën e dytë gjermane Regionalliga, transmeton koha.net.
Azemi luan për Greuther Furth në ligën e dytë gjermane, ndërsa është rikthyer gjatë këtij sezoni nga lëndimet.
Ai rikthehet pas një periudhe shumë të gjatë nga lëndimi që kishte marr në aksident trafiku.Sulmuesi më 7 gusht të 2014 kishte pësuar një aksident ku pati thyerje të shumta trupore. Ndërsa është dënuar nga gjykatat për shkak të një përleshjeje në një klub nate.
Kosovari është kthyer në këtë sezon, pas 19 muajsh pauze.
“Unë tani jam duke u përpjekur që të heq mendjen nga aksidenti. Por ende është shumë e vështirë për mua. Në klinikën në Furth unë isha i lidhur me aparate që të jetoja, ndihesha shumë i pafuqishëm, vetëm nëna ime dhe motra e mjeku ishin aty për mua”, thotë Azemi për gazetën gjermane 90 min.
“Mjeku më tha se unë duhet të isha i kënaqur që jam ende gjallë edhe pse nuk mund të lëvizja fare këmbët”. Ka thënë Azemi për aksidentin e tij me makinë.
