Kërcënon kryeministrin e Shqipërisë, hetim 57-vjeçarit

Një 57-vjeçar është proceduar penalisht nga policia, pasi i ka dërguar kryeministrit Edi Rama letra ku përmbajtja e të cilave përben elementët e veprave penale të nxitjes së urrejtjes ose grindjeve si dhe kanosjes.

Xhibrilemin Keça, banues në Korçë, i ka dërguar letrat në zyrën e kryeministrit Edi Rama me anë të një zarfi, në datën 30 gusht, ndërsa pas marrjes së informacionit është vënë mënjeherë në lëvizje, njësia policore për tendencat e radikalizimit dhe ekstemizmit.

Nga informacionet e para mësohet se 57-vjeçari njihet si një person me probleme mendore, por kjo nuk e ka ndaluar policinë ta procedojë penalisht. / Top Channel