Refugjatët ilegalisht braktisin Tabanocin
Nga 1200 refugjatë sa kishte gjithsejtë para disa muajve në qendrën për pranim në Tabanocë,tani kanë ngelur vetëm 178 refugjatë. Jo zyrtarisht Alsat M mëson se shkak i rënies së numrit të refugjatëve nga qendra për pranim në Tabanoc është se ata në forma të ndryshme ilegale ia dalin të largohen nga kjo qendër, për të vazhduar rrugën drejt Evropës.
“Për dallim nga më herët kur kampi ynë ishte i stërmbushur me refugjatë tani numri është zvogëluar në mënyrë drastike, ku për momentin kemi diku rreth 178 refugjatë”, tha Goran Stojkovski nga Qendra për menaxhim me kriza.
