Garet: Marrëveshja e Përzhinos nuk është e vdekur dhe e varrosur
Ambasadori i Britanisë së Madhe në Maqedoni, Çarls Garet në rrjetin social “Twitter” ka shkruar se Marrëveshja e Përzhinos nuk është e vdekur, njofton Portalb.
“Jo, Përzhino nuk është e vdekur dhe e varrosur. Ende është kornizë e vërtetë për zgjidhje të qëndrueshme”, ka shkruar Garet.
No, Przino is not dead&buried. Still right framework for sustainable resolution. @revolucionersk @AmbBaily @AmbassadorEU @JHahnEU
— Charles Garrett (@BritAmbCGarrett) May 18, 2016
Reagimi i ambasadorit britanik është në linjë të njëjtë me atë të përfaqësueses së lartë për politikë të jashtme, Frederika Mogerini dhe eurokomesarit për zgjerim, Johanes Han, të cilët dje në një deklaratë të përbashkët, pas vendimit të Gjykatës Kushtetuese për ngrirjen e aktiviteteve për zgjedhje, kanë porositur se Marrëveshja e Përzhinos edhe më tej është mënyra më e mirë për vendin që të del nga kriza e tanishme politike. Ata gjithashtu kanë bërë thirrje që menjëherë të tërhiqet vendimi i presidentit Gjorge Ivanov për falje dhe njëkohësisht t’i jepet mbështetje Prokurorisë Speciale që ta kryej punën e saj deri në fund. /Portalb