Interi me një gol e rikthen pozitën e parë
Interi fitoi minimalisht kundër skuadrës më të vjetër në Serie A. Pikët e plota Nerazzurëve ua siguroi goli i Adem Ljajiqit, i cili shënoi në minutën e 59’. Interi nuk e përfundoi takimin me të gjithë lojtarët në fushë, pasi në minutën e 86’ D’Ambrosio ndëshkohet me kartonin e dytë të verdhë.
Kjo fitore e rikthen Interin në krye të tabelës së klasifikimit në Serie A, e ndjekur nga Napoli që ka dy pikë më pak, e cila nesër luan kundër Bolognas.
