Balotelli rikthehet në Seria A
Rikthimi i Mario Balotellit në Milan është çështje orësh. Ai do të rikthehet në Millanello pas më shumë se 1 viti, dhe nëse kalon me sukses vizitat mjekësore do të firmosë kontratën me Rossonerët
Marrëveshja mes Liverpoolit dhe Rossonerëve tashmë është arritur dhe rikthimi i Supermarios në San Siro pritet të ndodh shumë shpejt, raporton Sky Italia.
Mario Balotelli kalon nga Liverpooli te Milani në formën e huazimit për një sezon pa asnjë cent. Në marrëveshjen mes palëve është përfshirë edhe opsioni që Milan mund ta blejnë përfundimisht kartonin e 25-vjecarit në fund të sezonit për një shumë të papërcaktuar ende.
Milani ndërkohë ka rënë dakort me klubin anglez që ti paguajë vetëm 3 milionë, euro nga 6 milionë që Balotelli përfiton në total gjatë një viti nga kontrata që ka me Liverpoolin, me të Kuqtë që do ti paguajnë pjesën tjetër.