Në Maqedoni punojnë 140.000 njerëz në të zezë
Në Maqedoni në të zezë punojnë 140.000 njerëz. Sipas të dhënave të “Eurofound” për vitin 2013, Maqedonia ka ekonomi jo formale ose të fshehur me 34.7 përqind nga prodhimi i brendshëm bruto.
“Do të punoj edhe në të zezë, vetëm për të fituar para, të kam se çka të blej në shtëpi për të ngrënë, t`i paguaj faturat dhe obligimet kreditore. Jam i papunë tashmë pesëmbëdhjetë vjet dhe nuk më intereson as sigurimi pensional e as shëndetësor, së paku jo në këto vite të errëta. Një shef i një ndërmarrje private më pranoi në punë para disa muaj, i pa lajmëruar në shtet, por kjo gjë nuk më intereson, vetëm le të më jap parat me rregull secilin muaj”, këto fjalë janë nga deklarata e një banorit të Gostivarit që i ka 46 vjet, deklaratë e dhënë për Dojçe Velle.
