Elseid Hysaj lojtari më i ri i Napolit

Mbrojtësi i Kombëtares Shqiptare edicionin e ardhshëm duket se do të veshë fanellën e Napolit.

Këtë e ka konfirmuar drejtori i Empolit, Marcello Carlli, raportojnë mediat italiane.

“Kemi arritur marrëveshje me Napolin. 5 milion euro është vlera e transferimit. Ka qenë pengesë e drejta e imazhit për futbollistin, por ky është problem i tejkalueshëm” ka thënë Carrli.

Edhe Hysaj është shprehur i lumtur për këtë arritje duke thënë se kjo është mundësia për ta treguar vetën në një skuadër të madhe siç është Napoli, raportojnë mediat italiane.