Vidhen para dhe stoli ari nga dy banesa në Shkup
Në dy banesa në Shkup dje janë kryer vjedhje, me ç’rast janë marrë gjithsej 16.500 euro. Siç kumtoi MPBja, dje nga ora 07:45 deri në orën 16:20 në Shkup në bul.”Jane Sandanski” një kryerës i panjohur me përdorim të veglës adekuate ka kryer vjedhje të rëndë në banesën e shkupjanit Z.P.(55), me ç’rast ka marrë 12.500 euro, shpatë turke dhe stoli ari.
Policia po ndërmerr masa për gjetjen e kryerësit. Një kryerës i panjohur dje në periudhën nga ora 21:00 deri në orën 23:30 në rr.”Mile Popo Jordanov” në Shkup me përdorim të forcës fizike ka kryer vjedhje në banesën e shkupjanit S.J.(46), me ç’rast ka marrë 4.000 euro dhe stoli ari. Policia po ndërmerr masa për gjetjen e kryerësit.
