Zhernovski: Me kamerat e sigurisë mund të zbulohet kush e vendosi car Dushanin

“Është e qartë se kush e ka porositur dhe kush e ka vendosur përmendoren e car Dushanit, edhe pse kjo përmendore nuk ishte parashikuar në vendimin e votuar më herët nga këshilli i komunës Qendër”, thuhet në qëndrimin e kryetarit Qendër Andrej Zhernovski dërguar mediave.

“Që të mos hutohet publiku ministrja e punëve të Brendshme Gordana Jankullovska vetëm duhet të lejojë që të kontrollohen kamerat e sigurisë të vendosura në sheshin e Shkupit dhe rreth Qendrës Tregtare në Shkup. Video materiali do të tregojë se kush e vendosi përmendoren. Atëherë Ministria e Kulturës nuk do të ketë se kujt të ja hedh fajin, thotë me tej Zhernovski.