Në mesin e të arrestuarve ka edhe studentë

Nëntë studentët e arrestuar, akuzohen për pjesëmarrje në turmë dhe për pengesë në kryerjen e detyrës së policisë, gjatë protestave të disa ditë më parë.

Ata ishin ftuar në bisedë informative dhe menjëherë pas asaj kanë dalë para gjykatësit hetues i cili u ka shqiptuar masën e paraburgimit për 8 ditë, gjë për të cilën reaguan aktivitet e organizatave joqeveritare, duke cilësuar paraburgimin si akt i torturës dhe se me atë po bëhet keqpërdorimi i ligjit dhe në të njëjtën kohë po krijohet frikë dhe kufizohet e drejta themelore për lirinë e shprehjes.

Komiteti i Helsinkit ka potencuar se tetë prej tyre janë në burgun e Shutkës dhe një person i ri është lëshuar në arrest shtëpiak. Sipas Komitetit bëhet fjalë për shkelje të ligjit për  të cilin dënimi është 3 muaj deri në 3 vite, por sipas tyre në princip për këtë vepër nuk shqiptohet masa e paraburgimit.

Për këtë ka reaguar edhe OJQ “Lenka” nga Prilepi, duke theksuar se nuk ka baza ligjore për arrestimin e studentëve dhe se kjo që po ndodh është në kundërshtim me kushtetutë.

Në mesin e të arrestuarve janë edhe dy anëtarë të Plenumit studentor. Nga prokuroria publike thonë se janë marrë masa pas paraqitjes së akuzës nga ana e MPB-së, kurse nga Gjykata Themelore 1 Shkup, është pranuar këshilla për arrestim pasi që rrethana thonë që mund të rrezikohet arratisja, si dhe nga frika që mund të përsëriten ato vepra për të cilat dënohen.