Saraçini dhe EVN hapin punëtori për efikasitet energjetik

Ministri i Ekonomisë, Valon Saraçini dhe kryetari i Bordit drejtues i EVN Maqedoni, Verner Hengst në hapësirat e Hotel Aleksandar Pallas, do të hapin Punëtorinë për efikasitet energjetik kushtuar kompanive të vogla dhe të mesme, në organizim të Ministrisë së Ekonomisë dhe EVN Maqedoni. 

Punëtoria është pjesë e projektit të përbashkët afatgjatë “Platforma për efikasitet energjetik” që e zhvillojnë në bashkëpunim Ministria e Ekonomisë dhe EVN Maqedoni, ndërsa ka për qëllim ngritjen  e vetëdijes për përdorim më të madh të masave të efikasitetit energjetik në të gjitha fushat e jetës. 

Përveç përfaqësueve të afro 100 kompanive të vogla dhe të mesme, prezentë do të jenë edhe përfaqësues të jetës akademike në vend, përfaqësues të institucioneve financiare etj.