Sedat Berisha: “Shvercerat” ma nxorën lotin”

Në ndeshjen e Kupës së Maqedonisë në mes KF Shkupi dhe Metalurgut, e cila ka përfunduar me fitore minimale të mysafirëve, për ekipin e “xehetarëve” ka luajtur dhe ish futbollisti i KF Shkupi, Sedat Berisha i cili vite me radhë kishte luajtur në këtë stadium ku bëhet një nga atmosferat më të mira në vend.

Pikërisht gjatë gjithë ndeshjet ishin “Shvercerat Shkup”, ata të cilët kanë brohoritur emrin e ish-futbollistit të tyre Sedt Berisha, edhe pse ky i fundit tani po luan me fanellën e gjelbër të Metalurgut.

“Nuk kam fjalë se si ta përshkruaj këtë ditë, asnjëherë deri më tani nuk jam ndjerë kështu, thjeshtë “Shvercerat Shkup”, bënë që të çaj sot, ata arritën që të më nxjerrin lotin. Ata gjatë gjithë kohës nuk u ndalën së anuari për klubin, por nuk më harruan as mu. Ishin shumë korrekt edhe ndaj ekipit tim, e që të gjithë bashkëlojtarët e mi, pasi u larguam nga Çairi më thanë se tifozllëk më të mirë, nuk kishin dëgjuar që kur luajnë futboll. Por për mua momenti më prekës ishte kur i kënduan “tekbiret” e që për një herë nuk arrita ti mbajë lotët”, ka thënë Berisha për “Portalb”.

Në fund të ndeshjes kur tani më është bërë traditë që lojtarët dhe “Shvercerat” së bashku të bëjnë thirrjen “Shkupi, Shvercerat”, edhe Sedat Berisha iu përgjigj ftesës së tyre dhe së bashku e bënë atmosferën edhe më të mirë, edhe pse rezultati ishte në të mirë tyë ekipit kundërshtarë, pra Metalurgut. “Shvercerat Shkup” edhe një herë dëshmuan se edhe në fitore edhe në humbje, këngën nuk e ndalin deri në fund./ Portalb