Grubi: BDI mban të pandryshuar qëndrimin për legjitimitetin e presidentit

Deputeti , Artan Grubi ka sqaruar sot bojkotin e fjalimit të presidentit Ivanov nga deputetët e BDI-së, duke theksuar se qëndrimi i BDI-së ndaj presidentit është i pandryshuar dhe se mungesa e deputetëve të saj flet mjaft për qëndrimin që mbajnë shqiptarët ndaj legjitimitetit të tij.

“Qëndrimi i Bashkimit Demokratik për Integrim ndaj Ivanovit është konzistent dhe nuk ka ndryshuar, ndërsa mos prezenca jonë e sotme në sallën e Kuvendit flet zëshëm për qëndrimin e shqiptarëve ndaj legjitimitetit të tij të kontestuar nga komuniteti i dytë shumicë në vend”, shkruan Artan Grubi .