Fraksioni “Grupi i zjarrit” tregoi disa nga arsyet pse e kritikon BDI-në

Përmes një komunikimi me media, një grup i politikanëve të pakënaqur në Bashkimin Demokratik për Integrim (BDI), kanë shpalosur fraksionin e tyre brendapartiak, duke theksuar disa nga arsyet pse nuk janë të kënaqur me udhëheqësinë e BDI-së, transmeton Portalb.mk.

“Dallimet politike janë thelluar sidomos me moszbatimin e gjuhës shqipe, dhe theksoi qëndrimin e fraksionit se është momenti politik që të hiqet përkufizimi 20% për gjuhën shqipe nga Kushtetuta. Fraksioni është kundër rritjes së pagave të zyrtarëve, dhe kërkon që paga minimale të jetë 500 euro”, deklaroi deputeti Izet Mexhiti.

Ai së bashku me Merita Koxhaxhikun, Visar Ganiun, Blerim Bexhetin dhe Saranda Imeri Stafain, shpalosi formatizimin e fraksionit brendapartiak, duke numëruar disa nga pakënaqësitë rreth funksionimit të partisë.

“Fraksioni Brenda BDI-së shprehu revoltën se në Raportin e ministrave nuk përmendet askund kontributi i UÇK-së, dhe aktualizoi nevojën imediate për hartimin e një ligji për rregullimin e statusit të familjeve të dëshmorëve të rënë dhe invalidëve të luftës”, deklarojnë nga “Grupi i Zjarrit”.

Lajme të ngjashme

Leave a Reply

Your email address will not be published. Required fields are marked *

Back to top button