Anëtarët paguhen, kandidatët bëjnë punën

Prej ekujvalentimit dhe njohjes reciproke të diplomave me Shqipërinë ka mbetur vetëm emërtimi në letër. MASH ka kthyer procedurat torturuese të nostrifikimit dhe për më tepër – kandidatëve u kërkohet që të kryejnë edhe punën për të cilën paguhen anëtarët e komisioneve përkatëse, shkruan Koha.

Ministri i Arsimit, Abdilaqim Ademi, thotë se procedura e njohjes së diplomave, sikurse është përcaktuar edhe me Ligj, nuk zgjatë më tepër se 20 ditë nga data e dorëzimit të dokumenteve. Madje, ai pranon se janë disa lloj dokumentesh si ai i validitetit të diplomës, apo ai i akreditimit të institucioneve të huaja të arsimit të lartë, të cilat duhet të sigurohen nga MASH-i dhe jo nga kandidatët. Pra, bëhet fjalë për dokumente të cilët sigurohen në rrugë zyrtare apo komunikimit institucional. “Ne zakonisht këto dokumente, që kanë të bëjnë me validitetin e diplomës dhe të asaj nëse institucioni që e ka ndarë atë është i akredituar në shtetin amë, zakonisht këto dokumente i sigurojmë në rrugë zyrtare. Mirëpo, ndodhë ndonjëherë që anëtarë të komisioneve t’jua kërkojnë kandidatëve këto dokumente, nëse nuk arrijnë të bien në kontakt me institucionet kompetente. Por, në të shumtën e rasteve, sigurimi i këtyre dokumenteve bëhet në mënyrë zyrtare”, deklaron ministri.