Nëse dikush ka dyshime për kompanitë për mbikëqyrje “Behtel dhe Enka”, le të raportojë në Prokurori, tha Kovaçevski

Nëse dikush ka dyshime për integritetin, punëtorët, nënkontraktorët apo ndonjë nga pjesëmarrësit në projektin për ndërtimin e korridoreve 8 dhe 10-D, mund të denoncojë, tha sot kryeministri Dimitar Kovaçevski duke iu përgjigjur pyetjeve të gazetarëve, transmeton Portalb.mk.

Këto korridore do të ndërtohen nga konsorciumi amerikano-turk “Behtel dhe Enka”.

Deklarata e tij vjen pasi “Prizma” dje njoftoi se në një pjesë të konsorciumit “IRD Engineering”, e cila fitoi tenderin për mbikëqyrjen e ndërtimit të korridoreve 8 dhe 10 D, ka kompani në të cilat shtetasi maqedonas Branislav Dimitrijeviq, i cili është nën hetim të prokurorisë armene, për “zhvillimin dhe zbatimin e projektit të korridorit rrugor veri-jug në periudhën 2009-2018”. Në Maqedoni, nga ana tjetër, kompania e së cilës është një nga pronarët Dimitrijeviq është “Euro konsulting” DOO, si dhe kompania për të cilën ai ka punuar në Armeni, “Eptisa”, janë pjesë e konsorciumit që do të mbikqyrin ndërtimin e autostradave që do të ndërtohet nga konsorciumi amerikano-turk “Behtel dhe Enka”.

Në deklaratën e sotme, Kovaçevski thotë se Qeveria bën vlerësimin e dokumenteve për kompanitë, por komisioni ekspert, por thekson se është përgjegjësi e fituesit të tenderit që ta përmbushë kontratën me kohë.

“Qeveria nuk bën vlerësimin edhe as mbledhjen e dokumenteve në lidhje me kompanitë, por atë e bën një komision ekspertësh. Kompania IRD do të punojë së bashku me Behtel-in amerikan dhe nëse ka persona apo nënkontraktorë, integriteti i të cilëve dyshohet nga kushdo në vend, atëherë mund të denoncohet në Prokurorinë Publike. Megjithatë, është detyrim i kompanisë që ka marrë tenderin të kryejë mbikëqyrjen e të gjitha seksioneve, pavarësisht se kush është në konsorciumin e tyre, ka detyrimin ta bëjë atë në kohën e duhur dhe në një cilësi që është sipas kontratës dhe normalisht në bashkëpunim me Behtel-in amerikan”, tha Kovaçevski.

Ai përsëriti se ndërtimi i korridoreve 8 dhe 10-D (fjalë për autostradat Gostivar – Kërçovë, Tetovë – Gostivar, Trebenisht – Strugë – Qafathan dhe Prilep – Manastir) është projekti më i madh investues dhe infrastrukturor që do të bëhet në vend që nga pavarësia e tij. Kontratat për ndërtimin e tyre, tha ai, janë me garanci dhe se kush do të jetë kontraktor është marrë nga Kuvendi, ndërsa se kush do të jetë mbikëqyrës, kujtoi se deri më tani ka pasur dy procedura përzgjedhëse.

“Korridori 8 dhe korridori 10-D po ndërtohen nga Behteli amerikan në konsorcium me Enka. Do të jetë investimi dhe projekti më i madh infrastrukturor në vend që nga pavarësia e tij. Pas Korridorit 8, Korridori 10-D është më i madhi. Ajo marrëveshje është me garanci sovrane, pra me vendim të parlamentit në lidhje me kontraktorin dhe nga mbikëqyrja janë kryer dy procedura për prokurim publik, ku e para ka dështuar sepse kompania e përzgjedhur në atë kohë nuk mund të siguronte garanci bankare, ndërsa tani me implementim të plotë të procedurës për prokurim publik për të kryer mbikëqyrjen e ka marrë një kompani e huaj e njohur IRD, me të cilën është nënshkruar edhe marrëveshje”, tha Kovaçevski.

Kujtojmë se Prizma sje në analizën e saj shkroi se autoritetet hetimore në atë vend kaukazian po hapin hetim për “zhvillimin dhe zbatimin e projektit të korridorit rrugor veri-jug në periudhën 2009-2018″.

Zëdhënësja e Prokurorisë Armene, Lousin Martirosyan, tha për BIRN se më 6 dhjetor 2018, “bazuar në provat e mjaftueshme të marra në çështjen penale”, Dimitrijeviq, në rolin e “udhëheqësit të ekipit të ndërmarrjes së përbashkët franceze “Savage-Eptisa“, akuzohet me nenin 178 paragrafi 3 pika 1 të Kodit Penal.

Ky nen i Kodit Penal armen, i cituar nga prokuroria, i referohet “mashtrimit të kryer në shkallë të gjerë“. Asokohe ndaj Dimitrijeviqit kishte një masë parandaluese se nuk lejohej të largohej nga vendi.

Por muaj më vonë ai vendos të mos respektojë vendimin e autoriteteve shtetërore. Në shtator të vitit 2019, ai u largua nga vendi me ndihmën e diplomatëve maqedonas dhe tre personave të tjerë dhe që nga ajo kohë rezulton i zhdukur. Armenia është në kërkim të tij për mashtrim dhe në mungesë të tij është urdhëruar masa e paraburgimit.

Në Maqedoni, nga ana tjetër, kompania në të cilën Dimitrijeviq është një nga pronarët është “Euro consulting” DOO, si dhe kompania për të cilën ka punuar në Armeni, “Eptisa” spanjolle, janë pjesë e konsorciumit të kompanive që fitoi tenderin për mbikëqyrjen e ndërtimit të korridoreve 8 dhe 10, që do të ndërtohen nga konsorciumi amerikano-turk “Behtel dhe Enka”.

Analizën e plotë mund ta lexoni KËTU.

LEXO: Prizma: Nga skandali në Armeni te mbikëqyrë në “Behtel dhe Enka” në Maqedoninë e Veriut

Lajme të ngjashme

Leave a Reply

Your email address will not be published. Required fields are marked *

Back to top button