Vokrri: Shqipëria do ta fitojë ndeshjen në tavolinë
Federata Evropiane e Futbollit (UEFA), nesër pritet të marrë vendimin lidhur me ndeshjen e ndërprerë në mes Serbisë dhe Shqipërisë.
Tashmë gjithë shqiptarët janë në pritje të vendimit që do të vjen nga shtëpia më e madhe e futbollit evropian.
Federata Shqiptare e Futbollit (FSHF), më kohë ka dorëzuar gjithë materialin që ndodhi në incidentin në sfidën Serbi-Shqipëri, ndeshje në të cilën serbët sulmuan futbollistët shqiptare.
Kryetari i Federatës së Futbollit të Kosovës (FFK), Fadil Vokrri i ka thënë KosovaPress-it se është i bindur se Shqipëria do ta fitoje ndeshjen më rezultat zyrtar 3-0.
“Jam i bindur se Shqipëria me rezultat zyrtar 3-0 do ta fitojë ndeshjen. Incidenti i ndodhur tregon qartë se kush do ta fitojë këtë ndeshje”, ka thënë Vokrri.
Ai është i bindur se vendimi i UEFA-së do të jetë në favor të Kombëtares shqiptare.