Irina Shayk: Më pëlqen të stërvitem

Irina Shayk është një nga modelet më të famshme të momentit dhe në një intervistë për versionin rus të revistës ‘GQ’ e dashura e Cristiano Ronaldos ka zbuluar sekretin e formave të saj të admirueshme trupore.

“Më pëlqen shumë të stërvitem. Adhuroj të vrapoj, por e kam të vështirë të mbaj regjimin kur jam duke udhëtuar sepse më pëlqen shumë edhe të ha”, deklaroi 27-vjeçarja.

Së shpejti Irina Shayk do të nisë edhe karrierën e saj si aktore. Rusja ka nënshkruar një kontratë për të interpretuar në filmin ‘Hercules: The Thracian Wars’. Ajo do të luajë rolin e bashkëshortes së Herkulit, i cili do të interpretohet nga Dwayne Johnson.

“Mezi po pres të nisin xhirimet. Gjithsesi, bëhet fjalë për një rol të vogël”, deklaroi Shayk.