Strugë, u hoq platforma ngjitur me Qendrën për Kulturë
Në Strugë po vazhdon aksioni për lirimin e hapësirave publike të uzurpuara në mënyrë të paligjshme. Kështu, siç na informoi Roland Amzai, nga Zyra e Marrëdhenieve me Publikun, në Komunën e Strugës, dje është ndërmarrë aksioni më i fundit për lirimin e hapesirave publike, duke u hequr veranda ngjitur me Qendrën për Kulturë të Strugës, tek parku i Poezisë.
Subjekti, i cili menaxhonte me këtë hapësirë është paralajmëruar paraprakisht, siç ka informuar Portalb më herët, për heqjen e saj, por ai nuk e ka bërë këtë deri në afatin përcaktuar nga Administrata Komunale, i cili skadoi të dielën.
Në këso kushtesh ka qenë ndërmarrja e angazhuar për këtë qëllim që e ka realizuar vendimin e administratës komunale, ndërsa realizimi i këtij vendimi ka kaluar pa probleme. /Portalb