Granatohet shtëpia e Nazim Bllacës

Mbrëmë rreth orës 23:03 minuta është sulmuar me granatahedhës shtëpia e Nazim Bllacës në Ribar. Askush nuk është lënduar. Vetë Bllaca njofton se nuk ka të lënduar, por vetëm kulmi i shtëpisë i është dëmtuar

Në një letër nëpërmjet postës elektronike, vetë Nazim Bllaca, njofton që i është sulmuar shtëpia, madje ai thotë se në shtëpinë e tij ka forca policore të EULEX-it dhe të Kosovës.

Nuk dihet se kush e ka kryer sulmin, por dihet që gjashtë persona janë dënuar për shkak të dëshmive të tij. Shpresim Uka, Sadik Abazi, Shaba Syla, Bekim Syla, Driton Hajdari janë dënuar me 54 vjet burg. Bekim Syla, Shpresim Uka dhe Driton Hajdari janë në arrati. Fahredin Gashi ndërkaq është dënuar më 17 burg. Me 3 korrik nis gjykimi i Nazim Bllacës për vrasjen e Ibush Kllokoqit, njofton Radio Televizioni i Kosovës.