RMV, sot hyrje falas në të gjithë muzetë dhe lokalitetet arkeologjike të vendit
Me rastin e 18 Prillit – Ditës Botërore të monumenteve dhe vendeve arkeologjike, sot hyrja në të gjithë muzetë dhe objektet në vend do të jetë falas, transmeton Portalb.mk.
“Dyert e institucioneve kombëtare, instituteve dhe muzeve në Manastir, Shtip, Ohër, Prilep dhe Strumicë, Stobi dhe Heraklea, Shtëpia Përkujtimore Toshe, Muzeu Arkeologjik, Galeria Kombëtare me të gjitha objektet e saj, Muzeu i artit bashkëkohor, Muzeu i luftës maqedonase, Muzeu historik në Krushevë, Galeria e arteve në Tetovë, “Dr. Nikolla Nezllobinski” në Strugë, Muzeu i Maqedonisë Perëndimore në UÇP, në Kërçovë, Muzeu i rajonit të Tetovës, muzetë në Kumanovë, Gjevgjeli, Muzeu i Shkencave Natyrore, Muzeu i Maqedonisë së Veriut”, njoftoi Ministria e Kulturës.
Temat e Ditës Botërore të Monumenteve dhe lokaliteteve arkeologjike janë të rëndësishme çdo vit, thotë Ministria, duke shtuar se ato kanë të bëjnë me ndërgjegjësimin e publikut për rëndësinë e trashëgimisë kulturore botërore, mbrojtjen, ruajtjen dhe afirmimin e pasurisë së zbuluar përmes arkeologjisë.
Tema e këtij viti është “Ndryshimet e trashëgimisë kulturore”, e cila, siç shtohet nga Kultura, mbulon çështjet e trashëgimisë kulturore që hapen nga ndryshimet klimatike.
