U rrëzua një aeroplan në Kroaci, dy të vdekur
Dy persona kanë humbur jetën të premten pas rrëzimit të një aeroplani të vogël privat në aeroportin e Pulës, shkruan “Index”, raporton Koha.net.
Aksidenti ka ndodhur pak para orës 13:00 gjatë ngritjes dhe në të janë përfshirë shtetas të huaj, një çift gjerman.
Ministria e Transportit dhe Infrastrukturës ka njoftuar se ka nisur hetimet për shkaqet e aksidentit, ndërsa i ka ofruar ngushëllime familjes së të vdekurve.