Aviacioni evropian përgatitet për ndërprerje udhëtimesh

Aviacioni evropian po përgatitet për ndërprerjet e udhëtimeve gjatë festime të Pashkëve të nxitura nga greva dhe anulime, raporton Klan. Grevat janë përhapur në Francë, Portugali, Britani dhe Gjermani në javët e fundit dhe mund të shkaktojnë ndërprerje të udhëtimit ajror në pjesë të madhe të Evropës gjatë festave të Pashkëve.

Do të ketë vonesa. Nuk ka dyshim për këtë,” tha Steven Moore, i cili është përgjegjës për operacionet e menaxhimit të trafikut ajror. Ekspertët shprehen se këto paralajmërime ilustrojnë se sa i cenueshëm mbetet aviacioni ndaj presioneve të jashtme, pavarësisht përpjekjeve për të shmangur përsëritjen e radhëve dhe anulimeve të vitit të kaluar.

Linjat ajrore kanë shprehur zemërim me qeveritë në disa pjesë të Europë të cilat ende nuk po arrijnë në një marrëveshje kompromisi për rritje pagash për punonjësit e tyre. Vetëm protestat në Francë kanë shkaktuar mijëra orë vonesa deri më tani.

Nëse një fluturim vonohet herët gjatë ditës, ka një efekt të ndërlikuar pasi avionët mbërrijnë më vonë dhe ngrihen më vonë në aeroportet e tyre të destinacionit, duke shkaktuar probleme. Që nga 13 marsi, autoriteti i aviacionit civil të Francës ka kërkuar pothuajse çdo ditë linjat ajrore të shkurtojnë fluturimet e tyre me 30% në disa aeroporte.

Shumë drejtues të kompaive ajrore i kanë kërkuar Komisionit Evropian që të bëjë më shumë për të ndaluar goditjet të tilla sa i përket fluturimeve. Ndërprerjet në shumë shtete përkojnë me një rikthim të udhëtimeve pas pandemisë Covid 19 që dëmtoi rëndë turizmin.

Lajme të ngjashme

Leave a Reply

Your email address will not be published. Required fields are marked *

Back to top button