Vetëm për tejkalim të shpejtësisë, 200 dënime brenda ditës vetëm në Shkup

Në komunikacionin e Shkupit brenda një dite janë regjistruar 334 dënime të ndryshme për shkak parregullësive në komunikacion, por më së shumti dominojnë dënimet për shkak tejkalimit të shpejtësisë, transmeton Portalb.mk.

“Në territorin e qytetit të Shkup janë shqiptuar 334 masa, duke përfshirë 200 dënime për tejkalim të shpejtësisë”, raportoi Ministria e Punëve të Brendshme, duke numëruar edhe tetë dënime për ngasje pa leje qarkullimi.

Në listën e dënimeve përfshihen edhe përdorimi i paautorizuar i folive të zeza për xhama, vetura të paregjistruara, kalim nëpër semaforin me ngjyrë të kuqe, mospërdorimi i rripit të sigurisë, etj.