Maturantët kërkojnë shkurtim të materialit mësimor për maturën ose një lëndë më pak

Nxënësit e shkollave të mesme që janë pjesë e Organizatës për Dialog dhe Afirmim të Nxënësve të Shkollave të Mesme (ODAS) kërkojnë që të zvogëlohet sasia e materialit të parashikuar për provimin e maturës ose të hiqet një lëndë interne. Ky ishte përfundimi i debatit të organizuar këtë fundjavë me temën “Matura Shtetërore 2023: Çfarë thonë maturantët?” Nxënësit kërkojnë që materiali të shkurtohet për shkak të kërcënimeve me bomba që i kanë bërë të humbasin mësimin dhe rrjedhimisht pamundësia për të ofruar dhe përvetësuar atë që parashikohet nga kurrikulat, transmeton Portalb.mk nga Meta.mk.

Njëkohësisht, sot në një konferencë për media përfaqësuesit e Nxënësve të Shkollave të Mesme njoftuan se do të nxjerrin vendim për çështjen e provimeve të ardhshme të maturës shtetërore.

“Këtë do ta diskutojmë më tej, asambleja e përgjithshme për këtë çështje do të mblidhet këto ditë. Ne kontaktojmë studentë nga të gjitha qytetet çdo ditë. Lidhur me dhënien e provimit të parë të më 27 maj, është gjithashtu një çështje që do të diskutojmë, do të shohim nëse ajo datë për dhënien e provimit është në favor të nxënësve të shkollave të mesme apo jo. Do të flasim edhe nëse mjafton të kemi një javë diferencë mes dy provimeve eksterne”, tha kryetari i Sindikatës së shkollave të mesme, Lluka Paviçeviq.

Më 30 janar të këtij viti, Paviçeviq tha se kërcënimet me bomba ndërprenë deri në 10 javë mësimore të gjysmë vjetorit të parë. Raportet filluan të ndërpresin procesin mësimor edhe në gjysmë vjetorin e dytë. Siç tha pak kohë më parë Paviçeviq për Meta.mk, në shumicën e shkollave raportet kanë ardhur pas orës së dytë, dmth 4 nga gjithsej 6 orë në ditë humbën.

“Nëse keni parasysh se gjuha dhe letërsia maqedonase përfaqësohet 4 orë në javë dhe se në disa shkolla ka pasur raportime për bomba deri në 3 ditë në javë, kjo do të thotë se nga 40 orë në gjuhën maqedonase dhe literaturë të ofruara në këto 10 javë, në rastin më të keq ka probabilitet të madh që edhe 30 të jenë humbur”, tha ai.

Meta.mk më 26 janar pyeti përgjegjësit e Qendrës shtetërore të provimeve nëse ka plan për shkurtimin e materialit mësimor.

“Anëtarët e komisioneve të provimeve që përgatisin materialin provues për lëndët eksterne në kuadër të provimit të maturës shtetërore, marrin parasysh ngjarjet në shkolla në periudhën e kaluar. Nëse ka ndryshime, shkollat ​​do të njoftohen”, thanë nga Qendra e provimeve shtetërore.

Ekziston program zyrtar provimi për çdo provim të maturës shtetërore. Në të ka një zgjedhje të përmbajtjeve nga viti i parë deri në vitin e katërt sipas lëndës përkatëse, dmth nuk mbulohen të gjitha përmbajtjet e kurrikulës. Për këtë vit akademik ka programe të reja provimi në gjuhën dhe letërsinë maqedonase, matematikë, këngë popullore dhe në lëndët zgjedhore profesionale nga arsimi profesional. Të gjitha provimet e tjera do të zhvillohen sipas programeve të shkurtuara të provimeve të viteve të kaluara.

Vitin e kaluar nuk pati ulje të materialit, por autoritetet bënë të mundur që pyetjet të mos shënoheshin nga materiali që duhej të dorëzohej pas grevës së mësimdhënësve, sepse në atë kohë maturantët humbën shumë orë. Testet e maturës nuk kanë ndryshuar, por detyrat që kanë qenë nga materiali që nxënësit nuk e kanë mësuar nuk janë përfshirë dhe nuk kanë ndikuar në numrin total të pikëve.

Lajme të ngjashme

Leave a Reply

Your email address will not be published. Required fields are marked *

Back to top button