Manchester City dyshohet për shkelje financiare

Manchester City dyshohet për shkelje të Fair Play Financiar. Premier League njoftoi të hënën për situatën pas një hetimi 4-vjeçar, raporton Klan. Akuzat në fjalë kanë të bëjnë me të ardhurat, detaje mbi shpërblimin e stafit teknik dhe lojtarëve, rregulloret e UEFA-s, përfitimin, qëndrueshmërinë dhe bashkëpunimin në hetimet e Premier League.

Dyshimet për këto problematika kanë të bëjnë me 9 sezone nga 2009 deri në 2018. Periudha është ajo e administrimit të klubit nga sheiku Mansour.

Nëse akuzat vërtetohen Manchester City rrezikon penalizime ku përflitet gjobë, zbritje pikësh apo edhe përjashtim nga kampionati. Tani radha është e klubit që do të duhet të mbrohet para komitetit disiplinor të Premier League.