Deri më 28 gusht do të zhvillohet edicioni i 61-të i mbrëmjeve strugane të poezisë
Në qytetin e Strugës deri më 28 gusht do të zhvillohen aktivitetet në kuadër të Mbrëmjeve Strugane të Poezisë, transmeton Portalb.mk.
“Mbyllja ceremoniale e festivalit tradicionalisht do të jetë të dielën më 28 gusht në Urën e Poezisë me leximin poetik “Urat” dhe me ndarjen e çmimeve “Kurora e Artë” dhe “Urat e Strugës” që ndahen nga Mbrëmjet strugane të Poezisë dhe UNESCO për librin më të mirë debutues dhe “Vllezërit Miladinovci””, bëjnë të ditur nga Ministria.
Në këtë manifestim pritet pjesëmarrja e 24 poetëve nga vendet tjera dhe 30 nga Maqedonia, ndërsa mysafir special pritet të jetë fituesi i “Kurorës së Artë” të vitit të kaluar, poeti izraelit Amir Or.
“Laureati i këtij viti, për shkak të moshës së shtyrë (91 vjeç) dhe rreziqeve shëndetësore, nuk do të jetë fizikisht i pranishëm dhe “Kurorën e Artë” do ta marrë i biri Kensaku Tanikava në emër të tij”, raportoi Ministria e kulturës.
Qytetit të Strugës do t’i shtohet edhe një pemë për nder të fituesit të çmimit më të lartë të ngajres, “Kurorës së Artë” për vitin 2022, poetit japonez Shuntaro Tanikava.
