RMV, sot do të ketë reshje shiu gjatë gjithë ditës

Drejtoria për Punë Hidrometeorologjike (DPH) bëri të ditur se moti sot do të jetë kryesisht i vranët me reshje shiu, të cilat në disa vende do të jenë të dendura (10 deri në 20 l/m2), transmetin Portalb.mk.

Në disa lokalitete reshjet do të jenë të rrëmbyeshme, shoqëruarme bubullima dhe kushte për breshër. Do të fryjë erë mesatare deri e fortë nga veriu dhe temperatura do të ketë rënie të ndjeshme.

Temperaturat e mëngjesit do të lëvizin nga 12 deri në 19 gradë, ndërsa ato të ditës nga 18 deri në 24 gradë.

Në Shkup dhe rrethinë do të mbajë mot i vranët me reshje shiu. Temperatura e mëngjesit do të arrijë në 17 gradë, ndërsa ajo e ditës do të arrijë në 19 gradë.