Ministria paralajmëroi që në Kurshumli An do të ndalohen të gjitha aktivitetet që e dëmtojnë objektin
Ministria e Kulturës në Maqedoninë e Veriut ka vendosur të ndalojë të gjitha aktivitetet që e dëmtojnë objektin “Kurshumli an”, pas shpalljes si objekt me vlera të veçanta nga Qeveria e Maqedonisë së Veriut, transmeton Portalb.mk.
“Me këtë vendim mundësohet ruajtja e përhershme e Kurshumli an në gjendjen e origjinës. Gjithashtu vendimi do të kontribuojë në shpërndarjen e vlerave dhe rëndësisë së tij, si dhe ndërprerja e veprimeve që dëmtojnë ose degradojnë e këtë objekt me vlera kulturore-historike nga trashëgimia arkitektonike”, deklarojnë nga Ministria e Kulturës.
Qeveria në seancën e fundit ka shpallur “Kurshumli an” si objekt me vlera të veçanta, objekt i cili është ndërtuar në mes të shekullit XVI.