Policia e Maqedonisë së Veriut arrestoi 33 vjeçarin në lidhje me një tentim për vrasje
Në lidhje me tentimin për kryerjen e një vrasje, Policia e Maqedonisë së Veriut ka arrestuar 33 vjeçarin si të dyshuar, për të cilin ka dorëzuar kallëzim penal, transmeton Portalb.mk.
“Policia pas marrjes së masave dhe aktiviteteve e ka arrestuar 33 vjeçarin F.D. nga Strumica, për shkak ekzistimit të dyshimeve se ka kryer veprën penale – tentim për vrasje”, sqarojnë nga Policia, duke bërë të ditur që sot në Prokurorinë Themelore Publike është paraqitur kallëzim penal për të dyshuarin.
Raportohet që i dyshuari më 24 dhjetor ka shkaktuar lëndime të rënda truporë te 56 vjeçari M.O., i cili është shtruar pastaj në Spitalin e Përgjithshëm në Strumicë.
