Pas lajmeve të Portalbit, UT-ja publikoi statutin në ueb-faqe
Ende pa u bërë 24 orë nga shpërndarja e lajmit të Portalbit për miratimin e vendimin e Agjencisë për Qasje të Lirë deri te Informatat me Karakter Publik se Universiteti i Tetovës ka vepruar në kundërshtim me ligjin duke mos u përgjigjur në kërkesën tonë, UT-ja publikoi statutin e saj në ueb-faqe, shkruan Portalb.mk
Dokumenti shumë i rëndësishëm i Universitetit të Tetovës deri më sot nuk ka qenë publik në ueb-faqen e kësaj të fundit. Ai u publikua sot pas shpërndarjes së lajmeve nga Portalbi dhe vendimit të Agjencisë së Mbrojtjes të së Drejtës për Qasje të Lirë në Informata me Karakter Publik, e cila konstatoi se UT-ja ka vepruar në kundërshtim me ligjin duke mos na i dorëzuar informatat e kërkuara.
Te pjesa e Dokumenteve të rëndësishme në ueb-faqen e UT-së tani figuron statuti i cili më parë nuk ishte. Statutin e UT-së në gjuhën shqipe mund ta gjeni duke klikuar KËTU.
Redaksia jonë, nuk do të ndalet së kërkuari përgjigje dhe transparencë nga institucionet publikë për çështjet të cilat janë të karakterit publik dhe që qytetarët kanë të drejtë t’i dinë ato dhe të kenë qasje në dokumente publike.
Lajmet paraprake për këtë rast i gjeni më poshtë:
- LEXO: UT-ja në mënyrë të paligjshme fsheh statutin dhe të dhënat tjera, vërtetoi Agjencia për Qasje të Lirë (Dokument)
- LEXO: Statuti i UT-së nuk është publik ashtu siç pretendojnë nga UT-ja (VIDEO)
- LEXO: FNA e publikoi statutin e Universitetit të Tetovës (Dokument)
- LEXO: FECH: UT-ja mban “sekret shtetëror” statutin e saj, injorojnë kërkesat për publikimin e tij
- LEXO: Plagjiaturat: Rasti që nuk po merr epilog, të gjitha rrugët çojnë në UT por ajo hesht
