Stavreski është rikthyer në trupat punuese të VMRO-DPMNE-së, do të monitorojë realizimin e premtimeve
Ish-ministri i Financave Zoran Stavreski pas një kohe të gjatë është rikthyer në trupat punuese të VMRO-DPMNE-së, pasi mbrëmë nga partia opozitare njoftuan se kanë formuar trup punues për monitorimin e realizimit të projekteve që kryetarët e komunave ua premtuan qytetarëve, transmeton Portalb.mk.
“Në trupin punues që do të udhëhiqet nga kryetari i VMRO-DPMNE-së Hristijan Mickoski do të jenë edhe Zoran Stavreski dhe Oliver Shambevski”, theksuan nga VMRO-DPMNE.
Stavreski ishte zëvendëskryeministër në Qeverinë e udhëhequr nga Nikolla Gruevski nga viti 2006, ndërsa nga viti 2009 deri në vitin 2016 ishte edhe ministër i Financave. Shambevski ishte deputet i VMRO-DPMNE-së, e më pas ambasador i Maqedonisë në Kinë.
