Për herë të dytë Watch Out Festivali i Filmit nën qiell të hapur

27 shtete do të marrin pjesë në festivalin e filmit Watch Out, që për herë të dytë mbahet në Tetovë në organizim të Qendrës për Bashkëpunim Ballkanik ‘LOJA’.

Për dallim nga viti i kaluar, këtë vit pjesëmarrësja e shtëpive kinematografike është për dy herë më e lartë duke i dhënë kështu peshë këtij festivali i cili fillon nesër mbrëma dhe do të zgjasë katër ditë. Organizatorët thonë se ky manifestim përveç mbështetjen deklarative nuk ka marrë asnjë mbështetje financiare nga ana e institucioneve.

Filmat do të shfaqen në hapësirat e muzeut të ish partisë komuniste në qiell të hapur, ndërsa në fund do të marrin pjesë edhe fituesit e çmimeve.

Në këtë festival të filmit ka një përfaqësues nga Shqipëria dhe atë Ermela Teli me filmin “Architecture of Sadness” dhe do të jepet me datë 22 qershor.