MPB: 199 sanksione të shqiptuara për shkelje trafiku në Shkup

Nga Ministria e Punëve të Brendshme (MPB) njoftojnë se dje (04.09.2021) kanë vazhduar me kontrollet e intensifikuara të aksionit në fushën e trafikut, ku gjithsej u shqiptuan 199 sanksione në qytetin e Shkupit, prej të cilave 100 për tejkalim shpejtësie, transmeton Portalb.mk.

“Gjithsej 199 sanksione u vendosën në territorin e qytetit të Shkupit, përfshirë 100 sanksione për vozitje më të madhe se shpejtësia e lejuar, 20 për vozitje pa patentë shoferi, 14 për vozitje nën ndikimin e alkoolit, 5 për përdorim celulari, 3 për mospërdorimin e rripit të sigurimit, një për kalim në dritë të kuqe, 7 për automjete të paregjistruara dhe teknikisht të dëmtuara dhe 29 për parkim të paligjshëm.” thanë nga MPB.

Nga MPB njoftojnë se kontrollet e intensifikuara të veprimit do të vazhdojnë, dhe u bëjnë thirrje të gjithë pjesëmarrësve në trafik që të respektojnë rregullat.