RMV, derivatet me çmime të reja

Benzinat dhe dizeli pas mesnate janë liruar për gjysmë denari, ndërsa çmimi i vajit ekstra të lehtë për amvisëri nuk ndryshon, vendosi dje Komisioni Rregullator për Energjetikë.

Çmimi i ri i benzinës motorike EUROSUPER BS – 95 do të jetë 71 denarë për litër, ndërsa 73,5 denarë i EUROSUPER BS – 98, ndërsa një litër dizel EURODIZEL BS (D-E V) do të shitet me çmim prej 62 denarë. Zvogëlohet edhe çmimi i mazutit M-1 NS për 0,195 denarë për një kilogram dhe do të jetë 36,681 denarë.
Çmimi i vajit ekstra të lehtë 1 (EL-1) nuk ndryshon, gjegjësisht ngelet 62 denarë për një litër.

Zvogëlimi i çmimeve me pakicë të derivateve të naftës mesatarisht është për 0,54 për qind në krahasim me Vendimin e KRRE-së të 9 gushtit të këtij viti.