Kina miratoi vaksinën e parë për përdorim në tregun e vendit
Kina njoftoi sot se ka miratuar vaksinën e parë për përdorim në tregun e vendit, transmeton Anadolu Agency (AA).
Administrata e Produkteve mjekësore zyrtarisht dha “autorizim të kushtëzuar të marketingut” për vaksinën shtetërore Sinopharm, njoftoi CGTN News.
Kompania farmaceutike me bazë në Pekin të mërkurën njoftoi se vaksina e saj me dy doza të paaktivizuara ka gati 80 për qind efikasitet dhe po kërkon miratimin e tregut nga autoritetet.
Aksionet e Sinopharm u rritën me të paktën 7 për qind pasi u bë njoftimi.
Vaksina u zhvillua nga China National Biotech Group, një filial i Sinopharm me pronësi shtetërore.
“Vaksina ka 79.34 për qind efikasitet dhe rreth 99.52 për qind shkalla e kthimit pozitiv në antitrupa”, tha në një deklaratë Instituti i Produkteve Biologjike të Pekinit.
Më herët këtë muaj, Emiratet e Bashkuara Arabe miratuan zyrtarisht vaksinën eksperimentale të Sinopharm, duke thënë se ajo ka efikasitet 86 për qind.
