RMV, Spitali i Gostivarit do të pranojë pacientë me Kovid-19 edhe në Repartin për neurologji
Numri i rritur i të infektuarve me virusin korona në rajonin e Gostivarit ka detyruar drejtorinë e spitalit “Ferid Murad” t’i rrisë kapacitetet për akomodim të pacientëve me Kovid-19 në Repartin për neurologji. Në dispozicion do të vendosen edhe rreth 20 punonjës shëndetësor dhe njëzet shtretër spitalor, njofton Portalb.
Në kumtesën nga spitali thuhet se mbrëmë drejtori i spitalit dhe grupi koordinues kanë vendosur që reparti për neurologji të shndërrohet në kovid-qendër për shkak të gjendjes alarmante me rastet e reja reja me virusin korona.
Kovid-pacientë në Gostivar përveç Repartit infektiv, nga java e kaluar filluan të hospitalizohen edhe në një pjesë të repartit intern.
Nga udhëheqësia e spitalit apelojnë të mos bëhen vizita dhe të respektohet personeli mjekësor.
- LEXO: RMV, 28 pacientë ndërruan jetë me Kovid-19, 1.094 raste të reja
- LEXO:Filipçe: Epidemia e arriti kulmin javën e kaluar, ka shtretër të lirë nëpër spitale