Një i moshuar 66 vjeçar nga Tetova, në gjendje të alkoolizuar ka ushtruar dhunë ndaj bashkëshortes
Nga Sektori për Punë të Brendshme në Tetovë njoftojnë se një grua 60 vjeçare ka denoncuar dhunë familjare dje rreth orës 14:00, bashkëshorti i saj, dhunuesi, ka qenë në gjendje të alkoolizuar përderisa e ka kryer veprën penale, shkruan Portalb.mk.
I njëjti menjëherë është arrestuar nga policia dhe aktualisht po punohet në zbardhjen e rastit dhe dokumentimin e plotë.
“Dje (20 shtator) në orën 14.00, një grua 60-vjeçare nga Tetova ka raportuar se në shtëpinë e tyre ka qenë e sulmuar fizikisht nga burri i saj 66-vjeçar, i cili ka qenë në gjendje të alkoolizuar. Personi i dyshuar për një kohë të shkurtër është ndaluar nga pjesëtarët e policisë dhe mbajtur në Stacionin Policor të Tetovës për zbardhjen dhe dokumentimin e plotë të rastit” kumtoi Fatmir Rexhepi nga Sektori për Punë të Brendshme, Tetovë.
