Tifozët renditin dhjetë mbrojtësit e majtë më të mirë në botë – Alba i pari, Alaba i treti dhe Marcelo i shtati

Ylli i Barcelonës, Jordi Alba është kurorëzuar si mbrojtësi i majtë më i mirë në botë duke fituar garën ndaj yllit të Liverpool, Andy Robertson, i cili përfundoi i dyti, transmeton Telegrafi.

Alba, 31 vjeç, ishte një produkt i akademisë së të rinjve të Barcelonës, i cili u largua më 2005 dhe kaloi tre vjet duke luajtur për ekipin e parë të Valencias.

Por, Barcelona e riktheu mbrojtësin e majtë spanjoll në Camp Nou në vitin 2012 në një marrëveshje me vlerë prej rreth 15 milionë eurosh.

Alba që nga atëherë është vendosur si titullar fiks i skuadrës së parë të Barçës dhe është vlerësuar gjerësisht për shkathtësinë e tij në mbrojtje dhe sulm njëkohësisht.

Mediumi i njohur Daily Star ka renditur yllin spanjoll të parin në listë, duke thënë se ai është një ‘mbrojtës vërtet modern’ dhe një ‘mbrojtës i gjithanshëm’.

Sipas gazetës, Alba e ka vendosur veten si një “mbrojtës i shkëlqyeshëm dhe një opsion brilant në pjesën e tretë të fushës”, i cili ka fituar çdo trofe të mundshëm me ekip, por edhe me kombëtaren.

Ylli i Liverpool, Robertson, 26 vjeç, është bërë një pjesë integrale e skuadrës fituese të titullit të Jurgen Klopp dhe Ligës së Kampionëve së bashku me Trent Alexander-Arnold.

Reprezentuesi skocez, i cili konsiderohet gjerësisht nga shumë tifozë si mbrojtësi i majtë më i mirë në botë tani, përfundoi i dyti në listë pas Albas.

Daily Star gjithashtu lavdëroi Robertson për paraqitjet e tij në sezonet e fundit, ndërsa pas tij u rendit David Alaba i Bayern Munichut si i treti.

Në listë nuk munguan as emra tjerë të njohur si Marcelon, Alex Sandro apo edhe Ferland Mendy.

Më poshtë janë të renditur 10 mbrojtësit e majtë më të mirë në futbollin botëror.

10.Ben Chilwell (Leicester City)

9.Alphonso Davies (Bayern Munich)

8.Alex Grimaldo (Benfica)

7.Marcelo (Real Madrid)

6.Alex Telles (Porto)

5.Ferland Mendy (Real Madrid)

4.Alex Sandro (Juventus)

3.David Alaba (Bayern Munich)

2.Andy Robertson (Liverpool)

1.Jordi Alba (Barcelona)

Lajme të ngjashme

Leave a Reply

Your email address will not be published. Required fields are marked *

Back to top button