Mickoski nuk u paraqit në bisedë informative në stacion policor, dërgoi avokatin e tij
Lideri i VMRO – DPMNE-së, Hristijan Mickoski sot nuk është paraqitur në bisedë informative në stacionin policor Qendër. Në stacionin policor është paraqitur përfaqësuesi juridik i Mickoskit, kanë thënë për MIA-n nga MPB.
Mickoski është ftuar në bisedë informative nga MPB, në lidhje me rastin kur ai u gjet nga ana e inspektorëve ulur brenda një taverne në Debar Maalo, megjithëse ishte e ndaluar për shkak të përhapjes së Kovid 19.
Mbrëmjen e 3 qershorit, Inspektorati Shtetëror i Tregut ishte penguar që të bëjë kontroll në një objekt hotelierik në rrugën “Boemska”.
Derisa inspektorët kishin pritur që të hynë, nga objekti kishte dalë kryetari i VMRO – DPMNE-së.
Mickoski ka pranuar se mbrëmë së bashku me dy miqtë e tij kanë qenë brenda në një restorant në “Debar Mallo”. Ai nëpërmjet një postimi në Facebook,duke u sqaruar rreth situatës së krijuar, ka thënë se nuk ishte i informuar për protokollet dhe se është përgatitur të paguajë gjobë për këtë,.
