Moti sot në Maqedoninë e Veriut

Moti në vend do të jetë me diell dhe vranësira mesatare, ndërsa pasdite në disa vende jostabil me të reshura të mëdha të shiut dhe bubullima.

Temperatura e mëngjesit do të lëvizë prej 9 deri 17, ndërsa ajo e ditës prej 21 deri 29 gradë Celsius.

Indeksi UV do të jetë 7.

Në Shkup moti do të jetë me diell dhe vranësira mesatare, ndërsa pasdite jostabil me të reshura të mëdha të shiut dhe bubullima. Temperatura e mëngjesit do të ulet deri 14, ndërsa ajo e ditës do të arrijë deri 27 gradë Celsius.

Gjatë ditëve të ardhshme në orët e mëngjesit moti do të jetë me diell dhe vranësira mesatare, ndërsa pasdite do të ketë paraqitje lokale të shiut, bubullima dhe erë të përforcuar.