JSP: Mënyra në të cilën do të bëhet transporti pas zvogëlimit të masave do të përcaktohet ende

Ulja e masave të jashtëzakonshme do t’i lejojë njerëzit të vazhdojnë me aktivitetet që kanë bërë edhe më parë dhe kështu do të fillojnë të përdorin transportin publik më shpesh, njofton Portalb.mk.

Deri më tani, trafiku ndërurban është akoma i ndërprerë, ndërsa trafiku ndër komunal rregullohet me dekretin e Qeverisë i cili parashikon që automjetet të mbushen me 50% të kapacitetit të përgjithshëm të automjetit për transport pasagjerësh. Në të njëjtën kohë, rregullorja kërkon që çdo automjet të ketë një person të ngarkuar i cili rregullon hyrjen dhe daljen e udhëtarëve, në mënyrë që të ruajë numrin optimal.

Ndërmarrja e Transportit Publik – Shkup, nga ana tjetër, thotë se po hartohet një plan rreth mënyrës së realizimit të transportit publik në aspekt të ruajtjes së distancës sociale, mbi të gjitha, mënyrën e rregullimit të pasagjerëve në automjete. Prandaj, ata theksojnë se po merren në konsideratë idetë dhe përvojat që po zbatohen në vendet e rajonit dhe më gjerë, e që do të ishin përafërsisht të përshtatshme dhe të zbatueshme në vendin tonë.

“Ende nuk është përcaktuar nëse ato do të jenë në formën e shenjave të ngjyrave, vendosjen / ngjitjen e shiritave të përshtatshëm, një lloj pengese fizike. Sidoqoftë, është e sigurt që ato do të duhet të jenë të zbatueshme kur do të bëhet lehtësim të ndjeshëm të masave kufizuese për lëvizjen e qytetarëve, gjë që me siguri do të kushtëzojë kthimin e mënyrës së zakonshme të funksionimit të transportit publik”- tha për” Meta.mk Despina Trajkovska – Dimova nga NQP.

Që nga fillimi i aplikimit të orës policore, autobusët e JSP-së dhe transportuesit privatë kanë ecur të Shtunën dhe në dy ndërrime gjatë ditës, nga 5 e mëngjesit në 9 pasdite dhe nga 13 deri në 19. Që nga sot (18 maj), transporti publik i autobusëve në Shkup funksionon vazhdimisht në periudhën nga 5 deri në 19 orë. Sidoqoftë, megjithëse regjimi me dy turne është shfuqizuar, autobusët e NQP dhe transportuesit privatë do të vazhdojnë edhe më tej me orarin e të shtunave. Përjashtim do të jenë linjat e qytetit 9, 19, 20 dhe 23, të cilat do të zhvillohen në një orar të reduktuar të punës së rregullt gjatë javës.

Biletat falas për shkollat e mesme dhe studentët, si dhe transporti falas për të rritur të martën, të premten, të shtunën dhe të dielën ende nuk janë të vlefshme. Ende janë të mbyllura tre linjat e autobusëve (25, 25A dhe 25B) që shkojnë drejt Vodno të Mesme, linja turistike “City Tour”, e nuk punon as Teleferiku në Vodno.

NQP-Shkup apelon për përdorimin racional të transportit publik dhe mbajtjen e detyrueshme të pajisjeve mbrojtëse kur të përdoret transporti në përputhje me rregulloret për mbrojtje nga Kovid-19.