Ministri Çulev përsëri kërkoi sqarim nga KSHZ-ja
Naqi Çulev, Ministri i punëve të brendshme në Qeverinë teknike përsëri kërkoi nga Komisioni shtetërore zgjedhor (KSHZ) sqarim në lidhje me kompetencat e tij dhe zv.mininstres plotësuse, se kur vlejnë nënshkrimet e dyanshme, transmeton Portalb.mk.
Ai kërkon sqarim nëse duhet që çdo vendim I sjellë nga ministri Çulev, të nënshkruhet nga zv.ministrja plotësuese Sllavjanka Petrovska, apo vetëm vendimet që lidhen me procesin zgjedhor.
Çulev shprehet se nënshkrimi i dyanshëm e zvarrit punën e MPB-së në mbajtjen e rendit dhe qetësisë dhe aktivitete tjera të përditshme.
Anëtarët e KSHZ-së duhet nesër të takohen dhe të vendosin në lidhje me kërkesën e ministrit.
Ndryshe, KSHZ që ta zgjidh kontestin me ministrit Naqe Çulev dhe zv/ministren plotësuese Sllavjanka Petrovska për emërimin e shefit të ri të SPB Shkup, Risto Stavrevski. Me vendim unanim, anëtarët e KSHZ-së konstatuan se nuk bëhet fjalë për çështjet financiare, kadrovike dhe juridike, lidhur me organizimin e zgjedhjeve.
Me këtë vendim, KSHZ praktikisht konstatoi se emërimi i Stavrevskit për kryeshef të ri në SPB Shkup, i nënshkruar nga ministri Çulev është legal.
Në qeverinë teknike secili akt dhe dokument duhet të nënshkruhet nga ministri dhe zëvendësi, në të kundërtën nuk vlen. Kjo është edhe një nga karakteristikat e qeverisë teknike. Secili akt, ministri dhe zëvendësministri plotësues janë të obliguar që menjëherë, e më së voni në afat prej një dite ta miratojnë apo refuzojnë aktin në kuptimin e këtij ligji.