Qeveria e mbështeti Marrëveshjen Kolektive dhe Propozim-ligjin për kulturë
Në seancën e sotme Qeveria e Republikës së Maqedonisë së Veriut ka mbështetur projekt ligjin për interesin publik në kulturë, i cili krijon bazë ligjore për zhvillimin e kulturës në të gjitha segmentet e jetës artistike dhe kulturore, transmeton Portalb.mk.
Në këtë seancë gjithashtu u analizua dhe është pranuar informacioni për dhënien e autorizimit për përfundimin e Marrëveshjes së re kolektive për kulturë, ku si përfundim u vendos që Ministri i Kulturës Hisni Ismaili të përfundoje këtë marrëveshje në emër të Ministrisë së Kulturës e cila u morri përsipër të sigurojë mjete financiare prej 266,979,365 denarë, në bazë të pëlqimit për miratimin e Marrëveshjes së re Kolektive në kulturë.
